Salman Rasool Salman Rasool Author
Title: போலி மெசேஜை கண்டுபிடிப்பது எப்படி?
Author: Salman Rasool
Rating 5 of 5 Des:
எந்த ஒரு நிறுவனமும் ஆதாயம் இல்லாமல் இயங்காது. இலவசமாக மக்களுக்கு சேவை செய்வதற்காக எந்த ஒரு நிறுவனமும் தொடங்கப்படவில்லை. எனவே இலவசம் மற்று...
எந்த ஒரு நிறுவனமும் ஆதாயம் இல்லாமல் இயங்காது. இலவசமாக மக்களுக்கு சேவை செய்வதற்காக எந்த ஒரு நிறுவனமும் தொடங்கப்படவில்லை. எனவே இலவசம் மற்றும் அன்லிமிடெட் ரீசார்ஜ் போன்ற மெசேஜ் வந்தால் உடனே அதை நீங்கள் படிக்காமலே டெலிட் செய்துவிடலாம். இந்த மெசேஜ்கள் பிரபல தொலைத்தொடர்பு நிறுவனங்களான பி.எஸ்.என்.எல், ஏர்டெல் போன்றவைகளின் பெயரில் வரும். நிச்சயம் இதுபோன்ற மெசேஜ்களை நம்பாதீர்கள்

அப்படியே ஒருவேளை இலவசம் என்று ஏதாவது ஒரு நிறுவனம் அறிவித்தால் அந்த விளம்பரத்தின் ஸ்பெல்லிங்கை கவனித்து பாருங்கள். உண்மையான விளம்பரம் என்றால் அந்த நிறுவனத்தின் லோகோவுடன் சரியான ஸ்பெல்லிங்குடன் இருக்கும். ஆனால் அதே போலி விளம்பரங்கள் என்றால் ஒரு எழுத்து அல்லது இரண்டு எழுத்துக்கள் சற்று மாறியிருக்கும். அதை நன்கு கவனித்தாலே அந்த மெசேஜ் போலி என்பது உங்களுக்கு தெரிந்து விடும்

ஒரு நிறுவனத்தின் உண்மையான சலுகை அறிவிப்பு வெளிவந்தால் அதில் பெரும்பாலும் லிங்க் இருக்காது. அப்படியே இருந்தாலும் அந்த லிங்க் சரியானதாக இருக்கும். உதாரணமாக பி.எஸ்.என்.எல் ஒரு அறிவிப்பை அறிவித்தால் அதன் லிங்க் http://www.bsnl.in/ என்று இருக்கும். ஆனால் அதே போலி பி.எஸ்.என்.எல் லிங்க் என்றால் http://bsnl.co/sim என்று இருக்கும். இதிலிருந்து அந்த லிங்க் மற்றும் மெசேஜ் போலி என்பதை நீங்கள் புரிந்து கொள்ளலாம்.

ஒருவேளை உங்களுக்கு ஒரு மெசேஜ் போலியா அல்லது உண்மையான சலுகையா? என்பதை கண்டுபிடிப்பதில் குழப்பம் ஏற்பட்டால் எந்த நிறுவனத்திடம் இருந்து மெசேஜ் வந்துள்ளதோ, அந்த நிறுவனத்தின் அதிகார்பூர்வ இணையதளத்தில் சென்று அப்படி ஒரு சலுகை அளிக்கப்பட்டுள்ளதா? என்பதை சரி பாருங்கள். அப்படி இருந்தால் அது உண்மையான மெசேஜ், அல்லது அது போலியான மெசேஜ் என்பதை உறுதி செய்து கொள்ளுங்கள்

ஒரு நிறுவனம் ஒரு மெசேஜை அனுப்பிவிட்டு, இதை நீங்கள் பத்து பேருக்கு ஃபார்வேர்ட் செய்தால் உங்களுக்கு சலுகை கிடைக்கும் போன்ற மெசேஜ்கள் உங்களுக்கு வந்தால் கண்ணை மூடிக்கொண்டு அந்த மெசேஜை டெலிட் செய்து கொள்ளுங்கள். அப்படி ஒரு சலுகையை உலகில் எந்த நிறுவனமும் இதுவரை அளித்ததில்லை, இனிமேலும் அளிக்கப் போவதில்லை

About Author

Advertisement

கருத்துரையிடுக

வாசகர்களுக்கு ஓர் அன்பான வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.உங்களது மேலான கருத்துக்களையும் ஆலோசனைகளையும் எதிர்பார்கிறோம்

இந்த வலைதளம் வளாச்சிக்கு நிறை - குறைகளை
சுட்டி காட்டவும் உங்கள் வருகைக்கு நன்றி.

 
Top