"நீங்கள் அல்லாஹ்வை விரும்பினால் என்னைப் பின்பற்றுங்கள்! அல்லாஹ் உங்களை விரும்புவான். உங்கள் பாவங்களை மன்னிப்பான். அல்லாஹ் மன்னிப்பவன்; நிகரற்ற அன்புடையோன்'' என்று கூறுவீராக! "அல்லாஹ்வுக்கும், இத்தூதருக்கும் கட்டுப்படுங்கள்! நீங்கள் புறக்கணித் தால் அல்லாஹ் (தன்னை) மறுப்போரை விரும்ப மாட்டான்'' எனக் கூறுவீராக! (அல்குர்ஆன்- 3:31,32)
31/12/16


பறவைக்காய்ச்சல் பரவக்கூடும் எனும் அச்சத்தில் ஜப்பானில் இரண்டு இலட்சம் பறவைகள் அழிக்கப்பட்டுள்ளன.
ஜப்பானின் தென் பகுதியில் உள்ள குமமோட்டோ மாவட்டத்தில் எச் – 5 வைரஸ் பாதிப்பிற்குள்ளான இரண்டு இலட்சம் கோழிகளும் வாத்துக்களும் அழிக்கப்பட்டதாக அதிகாரிகள் தெரிவித்துள்ளனர்.
கடந்த செவ்வாய்க்கிழமை அங்கு தொற்றுக்குள்ளான பறவைகளை அழிக்கும் நடவடிக்கைகள் ஆரம்பிக்கப்பட்டதுடன், இந்த நடவடிக்கையில் சுமார் 400 பேர் வரை ஈடுபடுத்தப்பட்டுள்ளனர்.
கடந்த நவம்பர் மாதத்தில், ஜப்பானின் வடக்கில் உள்ள அமோரி மாவட்டத்தில் மாத்திரம் 18,000 பறவைகள் அழிக்கப்பட்டுள்ளன.
அதனைத் தொடர்ந்து நாட்டின் பல்வேறு பண்ணைகளிலும் உள்ள கோழிகள், வாத்துக்களுக்கு எச் – 5 வைரஸ் பாதிப்பு பரவுவதைத் தடுக்கும் விதமாக பறவைகள் அழிப்புப்பணி கடந்த சில வாரங்களாக நடைபெற்று வருகிறது.
முன்னதாக, ஹொக்கைடோ மாகாணப் பகுதியில் பல்வேறு பண்ணைகளில் 5.5 இலட்சம் கோழிகள் அழிக்கப்பட்டன.
அந்தப் பகுதியிலிருந்து கோழிகள் மற்றும் வாத்துக்களை வாகனங்களில் வெளியே எடுத்துச்செல்லவும், வெளியிலிருந்து அந்தப் பகுதிக்குள் கொண்டு வரவும் தடை விதிக்கப்பட்டுள்ளது.
இதனைத் தொடர்ந்து, வடக்கே ஹொக்கைடோ மாகாணம் முதல் தெற்குப் பகுதியில் உள்ள கியூஷு மாகாணம் வரை பல்வேறு இடங்களிலும் பண்ணைப் பறவைகளுக்கு எச் – 5 வைரஸ் பாதிப்பு இருப்பது தெரிய வந்தது.
இதனால், நோய்த்தொற்று நாட்டின் பிற பகுதிகளுக்கும் பரவாமல் தடுக்க கடுமையான நடவடிக்கைகள் முன்னெடுக்கப்பட்டு வருகின்றன.
இவ்வாண்டு பனிக்காலத்தில் வைரஸ் பாதிப்பு காரணமாக அழிக்கப்பட்ட பறவைகளின் எண்ணிக்கை 10 இலட்சத்தைத் தாண்டக்கூடும் என அதிகாரிகள் தெரிவித்துள்ளனர்.

0 comments:

கருத்துரையிடுக

வாசகர்களுக்கு ஓர் அன்பான வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.உங்களது மேலான கருத்துக்களையும் ஆலோசனைகளையும் எதிர்பார்கிறோம்

இந்த வலைதளம் வளாச்சிக்கு நிறை - குறைகளை
சுட்டி காட்டவும் உங்கள் வருகைக்கு நன்றி.