"நீங்கள் அல்லாஹ்வை விரும்பினால் என்னைப் பின்பற்றுங்கள்! அல்லாஹ் உங்களை விரும்புவான். உங்கள் பாவங்களை மன்னிப்பான். அல்லாஹ் மன்னிப்பவன்; நிகரற்ற அன்புடையோன்'' என்று கூறுவீராக! "அல்லாஹ்வுக்கும், இத்தூதருக்கும் கட்டுப்படுங்கள்! நீங்கள் புறக்கணித் தால் அல்லாஹ் (தன்னை) மறுப்போரை விரும்ப மாட்டான்'' எனக் கூறுவீராக! (அல்குர்ஆன்- 3:31,32)
10/10/16

துபாயில் நேற்று மரியோட் (JW Marriott Marquis) ஹோட்டலில் நடைபெற்ற பேன்ஸி நம்பர் பிளேட் ஏலத்தில் சுமார் 80 நம்பர் பிளேட்டுகள் கூடியிருந்த 300க்கு மேற்பட்ட ஏலதாரர்களுக்கு மத்தியில் பகிரங்க ஏலமிடப்பட்டன.

இதில் D 5 என்கிற ஒற்றை எண் நம்பர் பிளேட்டை ஏலம் எடுப்பதிலேயே மிகக்கடும் போட்டி நிலவியது, கடைசியில் அமீரகம், குவைத், அமெரிக்கா மற்றும் இந்தியாவில் 'ரியல் எஸ்டேட்' தொழிலில் ஈடுபட்டுள்ள 'பல்விந்தர் சஹானி'என்ற இந்திய வர்த்தகர் 33 மில்லியன் திர்ஹத்திற்கு ஏலமெடுத்ததுடன் கூடுதலாக மேலும் ஒரு நம்பர் பிளேட்டை 1 மில்லியன் திர்ஹத்திற்கும் ஏலமெடுத்தார்.


மூடத்தனங்களில் ஒன்றாக விளங்கும் எண் கணித சாஸ்திரத்தில் நம்பிக்கையுடைய இவர் ஏலம் எடுத்ததன் காரணத்தை கூறும்போது, ஆங்கில எழுத்தான D 4 வது எழுத்தாக அமைந்துள்ளதாலும் அதற்கு அடுத்து வரும் எண் 5 ஆக அமைந்து அதன் கூட்டுத்தொகை அவரது ராசி எண்ணான 9 ஆக வருவதால் ஏலம் எடுத்தாராம்? ஆனால் பைசாவுக்கும் புண்ணியமில்லாத அந்த பேன்ஸி எண் அவரிடம் வரும் போதே 33 மில்லியன் நஷ்டத்தை ஏற்படுத்திவிட்டு வந்ததை உணரும் நிலையில் இல்லை.

இதே நபர் கடந்தாண்டு நடைபெற்ற ஏலத்தில் 09 என்ற எண்ணை 25 மில்லியனுக்கு ஏலமெடுத்துள்ளராம். இவரைப்போல் எண் கணிதத்தில் நம்பிக்கையில்லாத நிலையில் பேன்ஸி எண் என்ற ஒற்றை அற்ப சுக காரணத்திற்காகவும் நம்பர் பிளேட்டுகள் ஏலம் போயின.

Q 77 என்ற எண் 4.52 மில்லியன் திர்ஹத்திற்கும்,
P 27 என்ற எண் 2.14 மில்லியன் திர்ஹத்திற்கும்,
R 7777 என்ற எண் 1.17 மில்லியன் திர்ஹத்திற்கும் ஏலம் போயுள்ளன.

2008 ஆம் ஆண்டு அபுதாபியில் நடைபெற்ற ஏலத்தில் எண் 1 என்ற நம்பர் பிளேட் 52.2 மில்லியன் திர்ஹத்திற்கு ஏலம் போனதே இதுவரை அமீரக அளவில் சாதனை ஏலமாக நீடிக்கிறது.

0 comments:

கருத்துரையிடுக

வாசகர்களுக்கு ஓர் அன்பான வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.உங்களது மேலான கருத்துக்களையும் ஆலோசனைகளையும் எதிர்பார்கிறோம்

இந்த வலைதளம் வளாச்சிக்கு நிறை - குறைகளை
சுட்டி காட்டவும் உங்கள் வருகைக்கு நன்றி.