vkrnajur vkrnajur Author
Title: முஸ்லிம்களின் தலாக் - விவாகரத்தை சீர்திருத்துவதற்கு,முஸ்லிம்கள் கடும் எதிர்ப்பு
Author: vkrnajur
Rating 5 of 5 Des:
முஸ்லிம்களின் தலாக் விவாகரத்து முறையை எதிர்த்து உச்ச நீதிமன்றத்தில் கருத்து தெரிவிக்க மத்திய அரசு முடிவு செய்துள்ளது. பெண்களின் உரிமை ...
முஸ்லிம்களின் தலாக் விவாகரத்து முறையை எதிர்த்து உச்ச நீதிமன்றத்தில் கருத்து தெரிவிக்க மத்திய அரசு முடிவு செய்துள்ளது.

பெண்களின் உரிமை பாதுகாக்கப்பட வேண்டும் என்ற நோக்கில் மத்திய அரசு இந்த முடிவை எடுத்துள்ளது. இதனுடன் பொது சிவில் சட்டத்தை தொடர்புபடுத்தி பார்க்கக் கூடாது என்று மத்திய அரசு வட்டாரங்கள் தெரிவித்துள்ளன.

தலாக் முறை தொடர்பான வழக்கில் மத்திய அரசின் கருத்தை உச்ச நீதிமன்றம் கேட்டிருந்தது. இதற்கான பதிலை சட்ட அமைச்சகம் இந்த மாத இறுதியில் முறைப்படி உச்ச நீதிமன்றத்தில் அளிக்க இருக்கிறது.

முன்னதாக, உத்தரகண்ட் மாநிலத்தைச் சேர்ந்த தலாக் முறையில் விவாகரத்து செய்யப்பட்ட சாய்ரா பானு என்பவர் உச்ச நீதிமன்றத்தில் இது தொடர்பாக வழக்கு தொடர்ந்தார். அதில், மூன்று முறை தலாக் கூறி விவாகரத்து பெறுவது இந்திய அரசமைப்புச் சட்டத்துக்கு விரோதமானது என்று அவர் கூறியிருந்தார். இதேபோல ஜெய்ப்பூர், கொல்கத்தாவைச் சேர்ந்த இரு பெண்களும் உச்ச நீதிமன்றத்தில் மனு தாக்கல் செய்தனர்.

இதனை எதிர்த்து ஜாமியத்-உலேமா-ஏ-ஹிந்த், அகில இந்திய முஸ்லிம் தனிநபர் சட்ட வாரியம் ஆகியவை உச்ச நீதிமன்றத்தில் மனு தாக்கல் செய்தன. அதில், "சீர்திருத்தம் என்ற பெயரில் தனிப்பட்ட சட்டங்களில் மாற்றம் கொண்டு வரப்படக் கூடாது. முஸ்லிம் தனிநபர் சட்டம் என்பது குரானில் இருந்து எடுக்கப்பட்டது. எனவே, அதனை யாரும் பரீட்சித்துப் பார்க்கக் கூடாது' என்று வலியுறுத்தப்பட்டது.

எனினும், பாரதிய முஸ்லிம் பெண்கள் அமைப்பு இதற்கு எதிர்ப்பு தெரிவித்து கையெழுத்து இயக்கம் நடத்தியது. அதில், தலாக் முறையை ஒழிக்கக்கோரி 50 ஆயிரம் முஸ்லிம் பெண்களும், ஆண்களும் கையெழுத்திட்டனர்.

About Author

Advertisement

கருத்துரையிடுக

வாசகர்களுக்கு ஓர் அன்பான வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.உங்களது மேலான கருத்துக்களையும் ஆலோசனைகளையும் எதிர்பார்கிறோம்

இந்த வலைதளம் வளாச்சிக்கு நிறை - குறைகளை
சுட்டி காட்டவும் உங்கள் வருகைக்கு நன்றி.

 
Top