"நீங்கள் அல்லாஹ்வை விரும்பினால் என்னைப் பின்பற்றுங்கள்! அல்லாஹ் உங்களை விரும்புவான். உங்கள் பாவங்களை மன்னிப்பான். அல்லாஹ் மன்னிப்பவன்; நிகரற்ற அன்புடையோன்'' என்று கூறுவீராக! "அல்லாஹ்வுக்கும், இத்தூதருக்கும் கட்டுப்படுங்கள்! நீங்கள் புறக்கணித் தால் அல்லாஹ் (தன்னை) மறுப்போரை விரும்ப மாட்டான்'' எனக் கூறுவீராக! (அல்குர்ஆன்- 3:31,32)
17/8/16

துபாய், ஆகஸ்ட் 17
கடந்த ஆகஸ்ட் 14 ஆம் தேதி ஞாயிற்றுக்கிழமை அன்று துபாயிலிருந்து ஃபிலிப்பைன்ஸ் தலைநகர் மணிலா நோக்கி 269 பயணிகளுடன் 36000 அடி உயரத்தில் பறந்து கொண்டிருந்த 'செபு பசிபிக் ஏர்லைன்ஸ்' விமானத்தில் குறை பிரசவத்தில் அழகிய பெண் குழந்தை பிறக்க நடுவானில் பயணிகளின் எண்ணிக்கை 270 ஆனது.

எதிர்வரும் அக்டோபர் மாதம் தான் குழந்தை பிறக்கும் என மருத்துவர்கள் நாள் குறிக்க அதற்கான சான்றுகளுடன் விமானமேறினார் முதல் குழந்தையை எதிர்பார்த்திருந்த அந்த இளம் ஃபிலிப்பைனிய தாய் டியானி டியாடோரா.

விமானம் இந்தியாவின் மேல் பறந்து கொண்டிருந்த போது திடீரென பிரசவ வலி ஏற்பட கிடைத்த வசதிகளை வைத்துக் கொண்டு விமானத்திலிருந்த 2 நர்ஸூகள் உதவி செய்தனர்.

குழந்தைக்கு மூச்சுத் திணறல் மற்றும் காது அடைப்புப் போன்ற பிரச்சனைகள் ஏற்படலாம் என கருதிய பைலட் ஹைதராபாத் சர்வதேச விமான நிலையத்தில் இறக்கினார். ஹைதராபாத் விமான நிலைய அதிகாரிகளும் மருத்துவர்களும் தாய்க்கும் சேய்க்கும் தேவையான மனிதாபிமான மருத்துவ உதவிகளை செய்து அசத்தினர். விமானியும் இந்தியர்களின் சேவைக்கு நன்றி தெரிவிக்க மறக்கவில்லை.

குறை பிரசவமாக இருந்தாலும் சுகப் பிரசவம் ஆன அந்தப் பெண் குழந்தை இனி செபு பசிபிக் ஏர்லைன்ஸ் விமானத்தில் தன் வாழ்நாள் முழுவதும் இலவசமாக பறக்கலாம் மேலும் விமான பயணத்தில் பிறந்த அந்த குழந்தைக்கு அந்த விமானத்தின் பெயரை குறிக்கும் வகையில் "Cebuana Pacifica." என பெயர் சூட்டியுள்ளனர்.

என்ன ஒன்று, 8 மணி நேரத்தில் மணிலா சென்று சேர வேண்டிய விமானம் 18 மணி நேரத்தில் சென்றதாக சந்தோஷத்துடன் அலுத்துக் கொண்டார் அதில் பயணம் செய்த பயணி ஒருவர்.

Source: Gulf News
தமிழில்: நம்ம ஊரான்


செய்திகளை உடனுக்குடன் உங்களுடைய Facebook வாயிலாக அறிய எமது Facebook பக்கத்தை மறக்காமல் ஒருமுறை LIKE செய்யுங்கள்......

0 comments:

கருத்துரையிடுக

வாசகர்களுக்கு ஓர் அன்பான வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.உங்களது மேலான கருத்துக்களையும் ஆலோசனைகளையும் எதிர்பார்கிறோம்

இந்த வலைதளம் வளாச்சிக்கு நிறை - குறைகளை
சுட்டி காட்டவும் உங்கள் வருகைக்கு நன்றி.