Mohamed Farook Mohamed Farook Author
Title: கண்டியூரில் சிலிண்டர் வெடித்து பயங்கர தீ விபத்து – வீடுகள் சேதம்!
Author: Mohamed Farook
Rating 5 of 5 Des:
தஞ்சாவூர் மாவட்டம், திருவையாறு அருகேயுள்ள கண்டியூரில் புதன்கிழமை மாலை ஏற்பட்ட தீ விபத்தில் ஏறத்தாழ 55 வீடுகள் சேதமடைந்தன. இந்தச் சம்பவத...
தஞ்சாவூர் மாவட்டம், திருவையாறு அருகேயுள்ள கண்டியூரில் புதன்கிழமை மாலை ஏற்பட்ட தீ விபத்தில் ஏறத்தாழ 55 வீடுகள் சேதமடைந்தன. இந்தச் சம்பவத்தில் ஒருவர் உயிரிழந்தார்.

கண்டியூர் – திருக்காட்டுப்பள்ளி சாலையில் உள்ள தர்கா தோப்பில் 80-க்கும் அதிகமான கூரை வீடுகள் உள்ளன. இந்தப் பகுதியில் வசித்து வரும் சம்சுதீன் வீட்டை பூட்டிவிட்டு வெளியூர் சென்றார். இவரது வீட்டுக் கூரையில் புதன்கிழமை மாலை தீ பற்றி எரிந்தது. அப்போது, காற்று வேகமாக வீசியதால் அடுத்தடுத்து உள்ள வீடுகளிலும் தீ பரவியது. பல்வேறு வீடுகளில் இருந்த கிட்டத்தட்ட 10 சிலிண்டர்கள் வெடித்து சிதறின. இதன் காரணமாகவும், காற்றின் வேகத்தாலும் அப்பகுதியில் உள்ள ஏறத்தாழ 55 கூரை வீடுகளில் தீ பற்றி எரிந்தது.

இந்த விபத்தில் பலத்தக் காயமடைந்த அதே பகுதியைச் சேர்ந்த எஸ். ஷேக் அலாவுதீன் (45) சம்பவ இடத்திலேயே உயிரிழந்தார். மாற்றுத் திறனாளியான இவர் தப்பியோட முடியாமல் தீயில் கருகி இறந்துள்ளார்.

மேலும், பலத்தக் காயமடைந்த இருவர் தஞ்சாவூர் அரசு மருத்துவக் கல்லூரி மருத்துவமனையில் சேர்க்கப்பட்டுள்ளனர். இந்தச் சம்பவத்தில் வீடுகளைச் சுற்றியுள்ள தென்னை மரங்களிலும் தீ பற்றியதால் ஒவ்வொன்றாக எரிந்து சாய்ந்து விழுந்தன. மேலும் 25-க்கும் அதிகமான மரங்கள் கருகிவிட்டன.

தகவலறிந்த திருவையாறு, திருக்காட்டுப்பள்ளி, தஞ்சாவூர், விமானப் படை நிலையம் ஆகிய தீயணைப்பு நிலையங்களிலிருந்து 8 தீணைப்பு வாகனங்கள் சம்பவ இடத்துக்கு அனுப்பப்பட்டன. என்றாலும், காற்றின் வேகம் அதிகமாக இருந்ததால் அணைப்பதில் சிரமம் நிலவியது. எனவே, இரவிலும் தீயணைக்கும் பணி தொடர்ந்தது.

மாவட்டக் காவல் கண்காணிப்பாளர் ஆர். சுதாகர், மாவட்ட வருவாய் அலுவலர் பெ. சந்திரசேகரன், தஞ்சாவூர் கோட்டாட்சியர் த.ப. ஜெய்பீம் உள்ளிட்ட அலுவலர்கள் சம்பவ இடத்துக்குச் சென்று மீட்பு நடவடிக்கைகளை விரைவுபடுத்தினர்.

பாதிக்கப்பட்ட மக்கள் அனைவரையும் அருகில் உள்ள திருமண மண்டபத்தில் தங்கவைத்துள்ளதாக தெரியவருகின்றது.

About Author

Advertisement

கருத்துரையிடுக

வாசகர்களுக்கு ஓர் அன்பான வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.உங்களது மேலான கருத்துக்களையும் ஆலோசனைகளையும் எதிர்பார்கிறோம்

இந்த வலைதளம் வளாச்சிக்கு நிறை - குறைகளை
சுட்டி காட்டவும் உங்கள் வருகைக்கு நன்றி.

 
Top