Mohamed Farook Mohamed Farook Author
Title: ஜெயலலிதா பதவி ஏற்பு விழா: கருணாநிதி – மு.க.ஸ்டாலினுக்கு அழைப்பு
Author: Mohamed Farook
Rating 5 of 5 Des:
தமிழக சட்டசபை தேர்தலில் அ.தி.மு.க. 134 தொகுதிகளில் வெற்றி பெற்று தனிப்பெரும் பான்மையுடன் ஆட்சியை தக்க வைத்துக் கொண்டது. அ.தி.மு.க. எம்....
தமிழக சட்டசபை தேர்தலில் அ.தி.மு.க. 134 தொகுதிகளில் வெற்றி பெற்று தனிப்பெரும் பான்மையுடன் ஆட்சியை தக்க வைத்துக் கொண்டது.
அ.தி.மு.க. எம்.எல்.ஏ.க்கள் கூட்டத்தில் முதல்–அமைச்சராக ஜெயலலிதா ஒருமனதாக தேர்வு செய்யப்பட்டார்.

நேற்று மாலை முதல்–அமைச்சர் ஜெயலலிதா கிண்டியில் உள்ள கவர்னர் மாளிகைக்கு சென்று கவர்னர் கே.ரோசய்யாவை சந்தித்து தன்னை ஆதரிக்கும் எம்.எல்.ஏ.க்கள் பட்டியலை கொடுத்து ஆட்சி அமைக்க உரிமை கோரினார். பழைய மந்திரி சபையின் ராஜினாமாவையும் புதிய அமைச்சரவையில் இடம் பெறும் அமைச்சர்கள் பட்டி யலையும் கவர்னரிடம் அளித்தார்.

இதை ஏற்றுக் கொண்ட கவர்னர் புதிய அரசு அமைக்க ஜெயலலிதாவுக்கு அழைப்பு விடுத்தார். புதிய அமைச்சரவையில் முதல்–அமைச்சர் ஜெயலலிதா தவிர 28 அமைச்சர்கள் இடம் பெற்றுள்ளனர். மந்திரிகள் பட்டியல் நேற்று மாலை வெளியிடப்பட்டது.

இதில் 16 பேர் ஏற்கனவே மந்திரிகளாக இருந்தவர்கள். 13 பேர் புதுமுகங்கள் ஆவார்கள். புதிய அமைச்சரவை பதவி ஏற்பு விழா நாளை (திங்கட்கிழமை) பகல் 12 மணிக்கு சென்னை பல்கலைக்கழக நூற்றாண்டு விழா மண்டபத்தில் நடக்கிறது. முதல்–அமைச்சர் ஜெயலலிதாவுக்கு கவர்னர் ரோசய்யா பதவிப் பிரமாணமும் ரகசிய காப்பு பிரமாணமும் செய்து வைக்கிறார்.

ஜெயலலிதாவைத் தொடர்ந்து 28 அமைச்சர்களும் பதவி ஏற்கிறார்கள்.
ஜெயலலிதா 6–வது முறையாக முதல்–அமைச்சராக பதவி ஏற்பதுடன் 32 ஆண்டுகளுக்கு பிறகு தொடர்ச்சியாக 2–வது முறையாக பதவி ஏற்கும் முதல்–அமைச்சர் என்ற மகத்தான சாதனையும் படைத்துள்ளார்.

பதவி ஏற்புக்காக பல்கலைக்கழக நூற்றாண்டு விழா மண்டபத்தில் சிறப்பான ஏற்பாடுகள் செய்யப்பட்டுள்ளன. அங்கு பலத்த பாதுகாப்பும் போடப்படுகிறது. பதவி ஏற்பு விழாவில் கலந்து கொள்ள 3150 பேர்களுக்கு அழைப்பு அனுப்பப்பட்டு உள்ளது.

தமிழ்நாட்டில் புதிதாக தேர்ந்தெடுக்கப்பட்ட அனைத்து எம்.எல்.ஏ.க்களுக்கும் எம்.பி.க்கள் மற்றும் முக்கிய பிரமுகர்களுக்கும் அழைப்பு அனுப்பப்பட்டு இருக்கிறது.

தி.மு.க. தலைவர் கருணாநிதி, மு.க.ஸ்டாலின், தமிழக அரசியல் கட்சி தலைவர்கள் ஆகியோருக்கு அதிகாரிகள் மூலம் நேரில் அழைப்பு கொடுக்கப்படுகிறது.

இது தவிர பிரதமர் மோடி, பா.ஜனதா தலைவர் அமித்ஷா, மத்திய மந்திரிகள் அருண் ஜெட்லி, ரவிசங்கர் பிரசாத், ஒடிசா முதல்–மந்திரி நவீன் பட்நாயக், ஆந்திர முதல்–மந்திரி சந்திரபாபு நாயுடு, மேற்கு வங்காள முதல்–மந்திரி மம்தா பானர்ஜி, உத்தரப்பிரதேச முதல்–மந்திரி அகிலேஷ் யாதவ், பீகார் முதல்– மந்திரிக்கு நிதிஷ்குமார் மற்றும் பல்வேறு மாநில முதல்–மந்திரிகள், இடதுசாரி கட்சி தலைவர்களுக்கும் அழைப்பு அனுப்பப்பட்டு உள்ளது.

பிரதமர் மோடி ஈரானில் சுற்றுப் பயணம் செய்வதால் அவருக்குப் பதில் மத்திய மந்திரிகள் அருண் ஜெட்லி வெங்கையா நாயுடு ரவி சங்கர் பிரசாத் ஆகியோர் கலந்து கொள்கிறார்கள்.

தமிழகத்தைச் சேர்ந்த மத்திய மந்திரிகள் நிர்மலா சீதாராமன் பொன்.ராதாகிருஷ்ணன் ஆகியோருக்கும் தனியாக அழைப்பு அனுப்பப்பட்டு உள்ளதால் அவர்களும் கலந்து கொள்கிறார்கள்.

ஜெயலலிதா பதவி ஏற்பு விழா 32 மாவட்டங்களிலும் எல்.இ.டி. அகன்ற திரையில் நேரடியாக ஒளிபரப்பு செய்யப்படுகிறது.
பதவி ஏற்றுக் கொண்ட பிறகு முதல்–அமைச்சர் ஜெயலலிதா கோட்டைக்கு சென்று பொறுப்பு ஏற்றுக் கொள்கிறார். இதேபோல் அனைத்து அமைச்சர்களும் பொறுப்பு ஏற்றுக் கொள்கிறார்கள்.

தேர்தல் வாக்குறுதிகளை நிறைவேற்றும் உத்தரவுகளில் முதல்–அமைச்சர் ஜெயலலிதா முதல் கையெழுத்திடுவார் என்று தெரிகிறது.

About Author

Advertisement

கருத்துரையிடுக

வாசகர்களுக்கு ஓர் அன்பான வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.உங்களது மேலான கருத்துக்களையும் ஆலோசனைகளையும் எதிர்பார்கிறோம்

இந்த வலைதளம் வளாச்சிக்கு நிறை - குறைகளை
சுட்டி காட்டவும் உங்கள் வருகைக்கு நன்றி.

 
Top