vkrnajur vkrnajur Author
Title: மனைவியின் பிரசவத்திற்கு விடுமுறை அளிக்க மறுப்பு, பதவியை ராஜினாமா செய்த MP!
Author: vkrnajur
Rating 5 of 5 Des:
ஜப்பான் நாட்டில் முதன் முறையாக குழந்தை பெற்ற மனைவியை கவனித்துக்கொள்ள ஊதியத்துடன் கூடிய விடுமுறையை வழங்க மறுத்ததால் அந்நாட்டு நாடாளுமன்...
ஜப்பான் நாட்டில் முதன் முறையாக குழந்தை பெற்ற மனைவியை கவனித்துக்கொள்ள ஊதியத்துடன் கூடிய விடுமுறையை வழங்க மறுத்ததால் அந்நாட்டு நாடாளுமன்ற உறுப்பினர் ஒருவர் தனது பதவியை ராஜினாமா செய்துள்ளது பரபரப்பை ஏற்படுத்தியுள்ளது.

ஜப்பான் நாட்டில் சுதந்திர ஜனநாயக கட்சியில் Kensuke Miyazaki(34) என்பவர் உறுப்பினராக மட்டுமின்றி, நாடாளுமன்ற உறுப்பினராகவும்(MP) செயல்பட்டு வருகிறார்.

இவரும் இதே கட்சியில் உறுப்பினராக உள்ள பெண் அரசியல்வாதியான Megumi Kaneko என்பவரும் காதல் வயப்பட்டு திருமணம் செய்துக்கொள்ளாமல் கணவன் – மனைவி போல் சேர்ந்து வசித்து வருகின்றனர்.

இந்நிலையில், சில மாதங்களுக்கு முன்னர் மனைவி கர்ப்பம் ஆகியுள்ளார். மனைவிக்கு முதல் குழந்தை பிறக்கபோவதால், அதற்கு பிறகு அவரை அருகில் இருந்து கவனித்துக்கொள்ள வேண்டும் என எம்.பி முடிவு செய்துள்ளார்.

ஜப்பான் நாட்டு சட்டப்படி, மனைவிக்கு பிரசவம் ஆனால், அவரை கவனித்துக்கொள்ள கணவருக்கு 60 சதவிகித ஊதியத்துடன் 52 வாரங்கள் விடுமுறை அளிக்கப்படும்.

இவ்வேளையில், கடந்த 5ம் திகதி எம்.பியின் மனைவிக்கு குழந்தை பிறந்துள்ளது. இதனை தொடர்ந்து, தனக்கு ஊதியத்துடன் கூடிய 52 வாரங்கள் விடுமுறை வேண்டும் என அவர் கோரிக்கை விடுத்துள்ளார்.

ஜப்பான் நாடாளுமன்ற வரலாற்றில் முதன் முறையாக அரசியல்வாதியான இவர் மட்டுமே இந்த கோரிக்கை விடுத்திருப்பது குறிப்பிடத்தக்கது.

ஆனால், எம்.பியின் இந்த கோரிக்கைக்கு பொதுமக்கள் மற்றும் எதிர்க்கட்சி அரசியல்வாதிகள் மத்தியில் பெரும் எதிர்ப்பை ஏற்படுத்தியது.

எதிர்க்கட்சி தலைவர்களில் ஒருவரான Renho என்பவர் பேசுகையில், ‘நாடாளுமன்ற உறுப்பினர்கள் அனைவரும் மக்களுக்காக சேவை செய்ய தெரிவு செய்யப்பட்டுருக்கிறார்கள்.

இந்த 52 வாரங்களுக்கு தான் மக்களுக்கு சேவை செய்யாமல் விடுப்பில் இருப்பேன் என Kensuke Miyazaki கூறுவது வேதனை அளிக்கிறது.

நாம் தான் மக்களுக்கு முன் உதாரணமாக இருக்க வேண்டும். ஆனால், பொதுமக்கள் இடையே தனக்கு இருக்கும் முக்கியக் கடமைகளை மறந்துவிட்டு விடுமுறையை கேட்பது ஏற்றுக்கொள்ள முடியாது என கருத்து தெரிவித்துள்ளார்.

பொதுமக்கள், எதிர்க்கட்சியினர் மட்டுமின்றி அந்நாட்டு ஊடகங்களும் எம்.பியின் கோரிக்கைக்கு எதிராக செய்திகளை வெளியிட்டு வந்தன.

இதனால் வேதனை அடைந்த Kensuke Miyazaki ‘தனது நாடாளுமன்ற உறுப்பினர் பதவியை ராஜினாமா செய்வதாகவும், இதற்காக தான் பொதுமக்களிடம் மன்னிப்பு கேட்டுக்கொள்வதாகவும்’ இன்று அதிரடியாக அறிவித்துள்ளார்.

பிரசவ கால விடுமுறையை அளிக்க மறுத்ததால், நாடாளுமன்ற உறுப்பினர் பதவியை Kensuke Miyazaki ராஜினாமா செய்துள்ளது அந்நாட்டில் பெரும் பரபரப்பை ஏற்படுத்தியுள்ளது.

About Author

Advertisement

கருத்துரையிடுக

வாசகர்களுக்கு ஓர் அன்பான வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.உங்களது மேலான கருத்துக்களையும் ஆலோசனைகளையும் எதிர்பார்கிறோம்

இந்த வலைதளம் வளாச்சிக்கு நிறை - குறைகளை
சுட்டி காட்டவும் உங்கள் வருகைக்கு நன்றி.

 
Top